VOV.Êđê- Khua gĭt gai Đảng, Khua lăn čar bi tuôm hŏng phung kreh knhâo mnuih Việt Nam ti Mi. - Khua knŭk kna mtă brei pral mdrơ̆ng, msir mghaih klei truh mơ̆ng adiê hjan êa lip. - Lâm Đồng rơ̆ng êđăp ênang ti dŭm să mâo klei arưp aram klưh hroh lăn. -“Klei yăl dliê klei mrâo” ti knhal tuič jing klei hâo hưn kơ bruă čar Dak Lak mtă kơ anôk bruă sang hră mơar hluê ngă kjăp dŭm ênoh prăk hrui wĭt akŏ thŭn hriăm.

VOV.Êđê- Hlăm hdră nao ti Klei bi kƀĭn trông gưl dlông mơ̆ng Êpul hgŭm lu ala čar tal 81 leh anăn dŭm hdră bruă dua tĭng ti Mi, Khua gĭt gai Đảng, Khua lăn čar Tô Lâm bi tuôm leh hŏng Êpul khua kiă kriê Đảng Cộng sản Mi leh anăn phung mah jiăng Mi.

VOV.Êđê- Sơn Điền jing sa hlăm 29 să dleh dlan êdi ti čar Lâm Đồng hŏng ênoh mnuih djuê ƀiă êbeh 96%. Khădah klei găl bruă duh mkra- ala ƀuôn adôk lu klei dleh dlan ƀiădah mâo klei uêñ mĭn mơ̆ng Đảng, Knŭk kna, bruă sang čư̆ êa alŭ wăl, leh mphŭn pŏk thŭn hriăm, bruă mtô bi hriăm ti Sơn Điền nao hlăm klei bhiăn. Phung hđeh dưi mâo klei uêñ mĭn kriê dlăng djŏ hŏng ai tiê gĭt gai mơ̆ng bruă sang čư̆ êa alŭ wăl "să dleh ƀiădah mtô bi hriăm brei jăk".

VOV.Êđê- Dak Lak dôk mtrŭt mđĭ bruă ksiêm dlăng, bi mklă leh anăn bi mklă mrô krĭng pla mjing, anôk đŭng hruh boh durian. Bruă bi mklă djăp ênŭm klei hâo hưn mơ̆ng krĭng pla mjing truh kơ anôk đŭng hruh dưi hmăng hmưi đru kơ alŭ wăl kriê dlăng kjăp hĭn hnơ̆ng tŭ jăk, tui duah phŭn agha lehanăn mkăp djŏ hŏng dŭm klei čiăng ƀrư̆ hruê ƀrư̆ lu mơ̆ng anôk ba čhĭ. Klei phung čih klei mrâo kơ kdrêč anei hưn lač, alum kơ ƀĭng găp drei mđing hmư̆:

VOV.Êđê- Klei ruă kđuč êka hlăm êhŭng jing sa mta klei ruă kreh mâo, boh nik hlăm klei hdĭp ênuk ară anei. Kyua klei kreh mâo mơ̆ng klei ruă anei ngă kơ lu mnuih amâo mâo mđing, dlăng hơăi mang dŭm klei bi knăl tal êlâo. Klei ruă kđuč êka hlăm êhŭng amâo djŏ knŏng jing klei ruă ƀrư̆ ƀrư̆ ƀiădah truh kơ klei ruă kjham hŭi hyưt truh kơ klei suaih pral.

VOV.Êđê- Leh bi mŭt mbĭt bruă sang čư̆ êa, 103 să mơ̆ng Lâm Đồng dưi ksiêm dlăng hluê si Hdră kčah krĭng ƀuôn sang mrâo wưng thŭn 2026-2030, ƀiădah ka mâo ôh să djăp hnơ̆ng čuăn; lu hĭn knŏng mâo 28 să djăp 4/10 hnơ̆ng čuăn. Hlăm ktuê êlan mrâo, khua mduôn, mnuih mâo kơhưm lŏ jing dŭm "kdrông mkŏ" yuôm bhăn, mjing klei sa ai leh anăn atăt ba mnuih ƀuôn sang bi mlih klei mĭn, hdră ngă.

VOV.Êđê- Ti krah mđiă angĭn krĭng čư̆ dliê, ênai čing mâo leh hlăm dŭm ênuk klei hdĭp mnuih Êđê. Ti anăp klei mlih mrâo, să Dang Kang, čar Dak Lak dôk gĭr krơ̆ng kjăp ênai čing kyua phung thâo mbruă gĭr mtô kơ phung mda asei. Hŏng 33 kdrăp čing čhar, êbeh 50 čô thâo tông leh anăn 6 čô thâo mdêč čing, anei jing ngăn drăp yuôm bhăn čiăng kơ Dang Kang lŏ dơ̆ng kriê pioh dhar kreh knhuah gru ti krah klei hdĭp hruê anei.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-