VOV.Êđê- Khua gĭt gai Đảng, Khua Lăn čar Tô Lâm nao ti Knăm mơak jih jang mnuih ƀuôn sang răng mgang klei êđăp ênang Ala čar ti ƀuôn Loóng Luông, să Vân Hồ, Sơn La . -Khua knŭk kna Lê Minh Hưng myơr mnga, brui mgưi bi hdơr kơ phung lĭng kahan djiê êngiă ti Vị Xuyên, Tuyên Quang. -Dak Lak leh anăn Mondulkiri bi mguôp mkŏ mjing êlan knông lăn êđăp ênang, bi hgŭm hrăm mbĭt đĭ kyar. -Dak Lak mphŭn pŏk hdră bruă lu jơr mnơ̆ng hdơ̆ng hdĭp leh anăn klei găl duh ƀơ̆ng kơ phung mniê mnuih djuê ƀiă. -Lâm Đồng: Knŭk kna dua gưl mlih mơ̆ng klei kiă kriê jing klei mă bruă.

VOV.Êđê- Tlam (15/7), Knơ̆ng bruă lŏ hma leh anăn wăl hdĭp mda čar Dak Lak bi hgŭm hŏng dŭm êpul bruă mơ̆ng Canada pŏk ngă Hdră bruă " Bi lu jơr mnơ̆ng dhơ̆ng hdĭp leh anăn klei găl hdră duh ƀơ̆ng kơ phung mniê mnuih djuê ƀiă" (pia klah čŭn jing Hdră bruă BLOOM).

VOV.Êđê- Yan hrui êmiêt boh durian dôk giăm truh, klei yăl dliê mrô krĭng pla, anôk đŭng hruh, bi mklă phŭn agha lehanăn pŏk mlar wăl anôk mnia mblei dôk jing dŭm bruă mâo anôk bruă lŏ hma leh anăn dŭm alŭ wăl ti Lăn dap kngư mđing msir mghaih.

VOV.Êđê- Mơ̆ng gru hmô phŭn bi hgŭm mkra mjing mơ̆ng ƀĭng ngă lŏ hma, lu êpul hgŭm bruă ti Dak Lak dôk bi mlih ktang jing hdră ngă mơ̆ng anôk bruă duh mkra mrâo mrang: čŏng pô kriê dlăng, mkŏ mjing anăn knăl, pŏk mlar wăl anôk mnia mblei lehanăn nao hgŭm hlăm hdră mđĭ boh tŭ yuôm. Klei bi mlih mơ̆ng klei mĭn čang guôn klei đru jing čŏng pô mđĭ kyar dôk mjing boh kdrŭt mrâo kơ bruă duh mkra êpul êya, đru mđĭ hnư hrui wĭt kơ kơ phung nao hgŭm leh anăn mtrŭt mđi klei đĭ kyar alŭ wăl.

VOV.Êđê- Ti anăp ênoh mnuih mâo klei ruă êngoh bi ƀlĕ êrah đĭ ktang, mâo klei huĭ bluh jing klei ruă tưp prŏng, bruă mdrao mgŭn dŭm čar Lăn Dap Kngư dôk pŏk ngă hrăm mbĭt dŭm hdră msir kñăm mkhư̆ ênoh mnuih ruă mrâo, mơ̆ng anăn gang mkhư̆ klei ruă bluh mâo, boh nik hlăm boh klei alŭ wăl dôk mŭt hlăm yan hjan lu.

VOV.Êđê- Mơ̆ng dŭm ƀuôn sang siă suôr leh hŏng lu gưl ênuk, lu êpul êya mnuih ƀuôn sang ti Dak Lak mrâo mŭt hlăm sa klei mkŏ dăp mrâo. Anei amâo djŏ knŏng jing bruă lŏ mkŏ mjing dŭm alŭ, ƀuôn, êpul mnuih ƀuôn sang hlue si klei bi khuăt êpul mă bruă ôh, ƀiădah lŏ jing klei tĭng mkă bi kna plah wah mđĭ boh tŭ kriê dlăng hŏng kriê pioh wăl dhar kreh, klei bhiăn hdĭp mda leh anăn klei bi mguôp êpul êya. Ti ƀuôn hgŭm Ea Kao, hdră msir mkŏ dăp mâo leh klei sa ai mơ̆ng nah gŭ.

VOV.Êđê- Knơ̆ng bruă Dhar kreh, Mjuăt ktang asei mlei leh anăn Hiu čhưn ênguê čar Dak Lak bi hgŭm hŏng Anôk bruă sang čư̆ êa să Êa Phê mphŭn pŏk adŭ mtô bi hriăm klei tông čing leh anăn kdŏ čhuang mơ̆ng mnuih djuê ana Êđê.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-